ಬೆಟಗೇರಿ ಕೃಷ್ಣಶರ್ಮ ಕಥೆ, ಕಾವ್ಯ, ಕಾದಂಬರಿ ಪ್ರಶಸ್ತಿ-೨೦೨೧

ಬೆಳಗಾವಿ: ಡಾ. ಬೆಟಗೇರಿ ಕೃಷ್ಣಶರ್ಮ ೨೦೨೧ ನೇ ಸಾಲಿನ ಕಥೆ, ಕಾವ್ಯ, ಕಾದಂಬರಿ ಪ್ರಶಸ್ತಿ ಪ್ರದಾನ ಸಮಾರಂಭವು ರವಿವಾರ ೨೬.೦೯.೨೦೨೧ ರಂದು ಮುಂಜಾನೆ ೧೧.೦೦ ಗಂಟೆಗೆ ಧಾರವಾಡದ ಕರ್ನಾಟಕ ಕುಲಪುರೋಹಿತ ಆಲೂರು ವೆಂಕಟರಾವ ರಾಷ್ಟ್ರೀಯ ಸ್ಮಾರಕ ಭವನದಲ್ಲಿ ನೆರವೇರಲಿದೆ.

ಡಾ. ಸಿದ್ಧಲಿಂಗ ಪಟ್ಟಣಶೆಟ್ಟಿ ಅವರಿಗೆ  ಕಾವ್ಯ ಪ್ರಶಸ್ತಿ, ನಾಡೋಜ ವೈದೇಹಿ ಅವರಿಗೆ ಕಥಾ ಪ್ರಶಸ್ತಿ,  ಕುಂ. ವೀರಭದ್ರಪ್ಪ ಅವರಿಗೆ ಕಾದಂಬರಿ ಪ್ರಶಸ್ತಿ ನೀಡಿ ಪುರಸ್ಕರಿಸಲಾಗುವುದು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪ್ರೊ. ರಾಘವೇಂದ್ರ ಪಾಟೀಲ ಅವರು ವಹಿಸಲಿದ್ದು, ಡಾ. ಗುರುಲಿಂಗ ಕಾಪಸೆ ಅವರು ಪ್ರಶಸ್ತಿ ಪ್ರದಾನಿಸಲಿರುವರು. ಶ್ರೀ ಶಿರೀಷ ಜೋಶಿ ಅವರು ಅಭಿನಂದನ ನುಡಿ ನುಡಿಯಲಿರುವರು.  ಡಾ. ಬೆಟಗೀರಿ ಕೃಷ್ಣಶರ್ಮ ಸ್ಮಾರಕ ಟ್ರಸ್ಟ್, ಬೆಳಗಾವಿ ಕಾರ್ಯಕ್ರಮವನ್ನು ಆಯೋಜಿಸಿದೆ.