ಕಾಲ ಇದಲ್ಲ

ಹಾವೇರಿ ಜಿಲ್ಲೆಯ ಬ್ಯಾಡಗಿ ತಾಲೂಕಿನ ಕೆರವಡಿ ಗ್ರಾಮದಲ್ಲಿ ಜನಿಸಿದ ಮಧು ಕಾರಗಿ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣವನ್ನು ತಮ್ಮ ಹುಟ್ಟೂರಿನಲ್ಲಿ ಪೂರೈಸಿ, ಬ್ಯಾಡಗಿಯ ಎಸ್. ಜೆ. ಜೆ. ಎಂ. ಕಾಲೇಜಿನಲ್ಲಿ ಪದವಿಪೂರ್ವ ಹಾಗೂ ಬಿ. ಇ. ಎಸ್. ಎಂ ಕಾಲೇಜಿನಲ್ಲಿ ಪದವಿ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ. ಕರ್ನಾಟಕ ವಿಶ್ವವಿದ್ಯಾಲಯದಿಂದ ಕನ್ನಡ ಭಾಷೆ ಮತ್ತು ಸಾಹಿತ್ಯದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ. ೨೦೨೪ ಡಿಸೆಂಬರ್‌ನಲ್ಲಿ ನಡೆದ ಯುಜಿಸಿ ನೆಟ್ /ಜೆ. ಆರ್. ಎಫ್ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿ ಜೂನಿಯರ್ ರಿಸರ್ಚ್ ಫೆಲೋಶಿಪ್ ಗಳಿಸಿ, ಪಿ. ಎಚ್. ಡಿ. ವ್ಯಾಸಂಗವನ್ನು ಕೈಗೊಳ್ಳಲು ತಯಾರಿಯನ್ನು ನಡೆಸಿದ್ದಾರೆ. ಶ್ರವಣ ದೋಷವನ್ನು ಮೀರಿ ಕಾವ್ಯ ಸೃಷ್ಟಿಯಲ್ಲಿ ತೊಡಗಿರುವ ಇವರು ಕನಸುಗಳ ಚೀಲ (೨೦೨೦) ತೆರೆಯದ ಬಾಗಿಲು (೨೦೨೩) ಎಂಬ ಕವನ ಸಂಕಲನಗಳನ್ನು ಪ್ರಕಟಿಸಿದ್ದಾರೆ. 'ಕನಸುಗಳ ಚೀಲ' ಕೃತಿಗೆ ಬೆಂಗಳೂರು ಕನ್ನಡ ಸಾಹಿತ್ಯ ಪರಿಷತ್ತಿನ ವತಿಯಿಂದ ಜ್ಯೋತಿ ಕೇಂದ್ರೀಯ ವಿದ್ಯಾಲಯದ ಜ್ಯೋತಿ ಪುರಸ್ಕಾರ, 'ತೆರೆಯದ ಬಾಗಿಲು' ಕೃತಿಗೆ ಡಾ. ಪುನೀತ್ ರಾಜ್ ಕುಮಾರ್ ಸಾಹಿತ್ಯ ದತ್ತಿ ಪ್ರಶಸ್ತಿ, ಡಾ. ಡಿ ಎಸ್ ಕರ್ಕಿ ಕಾವ್ಯ ಪುರಸ್ಕಾರಗಳು (೨೦೨೪) ದೊರಕಿವೆ. ರಾಜ್ಯಮಟ್ಟದ ಕವಿಗೋಷ್ಠಿ, ಗಜಲ್ ಗೋಷ್ಠಿಗಳಲ್ಲಿ ಭಾಗವಹಿಸಿ ಕಾವ್ಯ ವಾಚನ ಮಾಡುವುದರೊಂದಿಗೆ ಲೇಖನ, ಚಿತ್ರಕಲೆ, ಅಕ್ಷರ - ಮುಖಪುಟ ವಿನ್ಯಾಸ ಮತ್ತು ಓದನ್ನು ಹವ್ಯಾಸವನ್ನಾಗಿಸಿಕೊಂಡಿರುವ ಇವರು ಧಾರವಾಡದ ಸಾಹಿತ್ಯ ಗಂಗಾ ಸಂಸ್ಥೆಯ ಸದಸ್ಯರಾಗಿ ಸಾಹಿತ್ಯ ಸ್ಪರ್ಧೆಗಳನ್ನು ನಡೆಸುವುದರಲ್ಲಿ ಸಹಕರಿಸುತ್ತಿದ್ದಾರೆ.