ಲಲಿತ ಪ್ರಬಂಧಗಳ ಆಹ್ವಾನ

ಕನ್ನಡದಲ್ಲಿ ಲಲಿತ ಪ್ರಬಂಧಗಳನ್ನು ಬರೆಯುತ್ತಿರುವ ಉದಯೋನ್ಮುಖ ಲೇಖಕ/ಕಿಯರನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ಯುವ ವಿಮರ್ಶಕ ವಿಕಾಸ ಹೊಸಮನಿ ಅವರ ಸಂಪಾದಕತ್ವದಲ್ಲಿ ಆಯ್ದ ಲಲಿತ ಪ್ರಬಂಧಗಳ ಸಂಕಲನವೊಂದನ್ನು ಹೊರ ತರಲಾಗುತ್ತಿದೆ. ಆಸಕ್ತ ಬರಹಗಾರರು ಲಲಿತ ಪ್ರಬಂಧಗಳನ್ನು ಕಳುಹಿಸಬಹುದು.

ನಿಯಮಗಳು

• ಬರಹಗಾರರಿಗೆ ಮುಕ್ತ ಪ್ರವೇಶವಿದ್ದು ಪ್ರವೇಶ ಶುಲ್ಕವಿರುವುದಿಲ್ಲ.
• ಬರಹದ ಗುಣಮಟ್ಟವೊಂದೇ ಆಯ್ಕೆಯ ಮಾನದಂಡ.
• ಸಂಕಲನದಲ್ಲಿ 25-30 ಪ್ರಬಂಧಗಳನ್ನು ಮಾತ್ರ ಪ್ರಕಟಿಸಲಾಗುವುದು.
• ಒಬ್ಬರು ಒಂದು ಪ್ರಬಂಧವನ್ನು ಮಾತ್ರ ಕಳುಹಿಸಬಹುದು.
• ಸ್ವತಂತ್ರ ರಚನೆಗಳಿಗೆ ಮಾತ್ರ ಅವಕಾಶವಿದೆ. ಅನುವಾದ, ಅನುಸೃಷ್ಟಿ ಮತ್ತು ರೂಪಾಂತರ ಮಾಡಿದ ಪ್ರಬಂಧಗಳಿಗೆ ಅವಕಾಶವಿಲ್ಲ.
• ಯಾವುದಾದರೂ ಪತ್ರಿಕೆ ಅಥವಾ ವಿಶೇಷಾಂಕದಲ್ಲಿ ಪ್ರಕಟವಾದ ಪ್ರಬಂಧವನ್ನು ಪರಿಗಣಿಸಲಾಗುವುದು. ಆದರೆ ಪುಸ್ತಕ ರೂಪದಲ್ಲಿ ಪ್ರಕಟವಾದ ಪ್ರಬಂಧಗಳಿಗೆ ಅವಕಾಶವಿಲ್ಲ.
• ಪ್ರಬಂಧವು 12 ಫಾಂಟ್ ಸೈಜಿನಲ್ಲಿ 2500 ಪದಗಳ ಮಿತಿಯಲ್ಲಿರಬೇಕು.
• ಲೇಖಕ/ಕಿಯರ ಪರಿಚಯ, ಪೂರ್ಣ ವಿಳಾಸ ಮತ್ತು ಒಂದು ಭಾವಚಿತ್ರವನ್ನು ಪ್ರತ್ಯೇಕವಾಗಿ ಕಳುಹಿಸಬೇಕು.
• ಪ್ರಬಂಧಗಳನ್ನು ಕಳುಹಿಸಲು ಕೊನೆಯ ದಿನ ಜುಲೈ 31, 2024.
• ಪ್ರಬಂಧಗಳನ್ನು ಸಂಪಾದಕರ ವಾಟ್ಸಪ್ ನಂಬರಿಗೆ ನಿಗದಿತ ದಿನಾಂಕದೊಳಗೆ ಕಳುಹಿಸಬೇಕು.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ :

ವಿಕಾಸ ಹೊಸಮನಿ – 9110687473
ಡಾ. ಸುಭಾಷ್ ಪಟ್ಟಾಜೆ – 9645081966