ವನಸುಮಗಳ ಹಾದಿಯಲ್ಲಿ……

ಉಡುಪಿ ತಾಲೂಕಿನ ಶಿರ್ವ ಗ್ರಾಮದಲ್ಲಿ ಜನಿಸಿದ ಇವರು ಪ್ರಾಥಮಿಕ ಮತ್ತು ಪಿಯುಸಿವರೆಗಿನ ಶಿಕ್ಷಣವನ್ನು ಶಿರ್ವ‌ದಲ್ಲಿ ಮುಗಿಸಿ, ಉಡುಪಿಯ ಎಂ.ಜಿ.ಎಂ ಕಾಲೇಜಿನಲ್ಲಿ ಬಿ.ಕಾಂ. ಪದವಿ ಪಡೆದರು. ಮುಂದೆ ಸ್ಟೇಟ್ ಬ್ಯಾಂಕ್ ಆಫ್ ಹೈದರಾಬಾದ್ ಬ್ಯಾಂಕಿನಲ್ಲಿ ನಿಯುಕ್ತಿಗೊಂಡು ಮ್ಯಾನೇಜರ್ ಹಂತದಲ್ಲಿ ನಿವೃತ್ತಿಗೊಂಡರು. ಈಗ ವಾಸ್ತ್ಯವ್ಯ ಬೆಂಗಳೂರಲ್ಲಿ. ಇವರ ಬರವಣಿಗೆಯ ಮೊದಲ ಹೆಜ್ಜೆ ಆರಂಭವಾದದ್ದು 1978 ರಲ್ಲಿ, ಆಗ ಉಡುಪಿಯಿಂದ ಬರುತ್ತಿದ್ದ ‘ರಾಯಭಾರಿ’ ವಾರಪತ್ರಿಕೆಯ ಮೂಲಕ. ಸಾಕಷ್ಟು ಲೇಖನಗಳು ಅಲ್ಲಿ ಪ್ರಕಟಗೊಂಡವು. ಮೊದಲ ಕಥೆ ‘ಬದುಕು ಬಯಕೆ’ 1980 ರಲ್ಲಿ ಪ್ರಜಾವಾಣಿಯ ಸಾಪ್ತಾಹಿಕ ಪುರವಣಿಯಲ್ಲಿ ಪ್ರಕಟವಾಯಿತು. ಅಲ್ಲಿಂದ ಮುಂದೆ ಬಹಳಷ್ಟು ಕಥೆಗಳು / ಲಲಿತ ಪ್ರಬಂಧಗಳು / ಹಾಸ್ಯ ಬರಹಗಳು ಸುಧಾ, ಮಂಗಳ, ಪ್ರಜಾವಾಣಿ, ಸಂಯುಕ್ತ ಕರ್ನಾಟಕ, ವಿಜಯವಾಣಿ, ಉದಯವಾಣಿ ಪತ್ರಿಕೆಗಳಲ್ಲಿ ಬೆಳಕು ಕಂಡಿವೆ. ಇವುಗಳ ಜೊತೆಗೆ ಪ್ರವಾಸ ಲೇಖನಗಳು, ಕೃಷಿ ಆಧಾರಿತ, ಆಧ್ಯಾತ್ಮಿಕ, ಪ್ರಚಲಿತ ವಿಷಯಗಳ ಮೇಲಿನ ಲೇಖನಗಳು ಸುಧಾ, ಮಂಗಳ, ಪ್ರಜಾವಾಣಿ, ಸಂಯುಕ್ತ ಕರ್ನಾಟಕ, ಸಾರಸ್ವತ ಸಂದೇಶ್ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ.