*ಹಣತೆ ಹಿಡಿದ ಕೈಗಳು*

(ಚಿತ್ರಕವನ)

ನೆಲದಲ್ಲಿ ಅರಳಿವೆ ಬೆಳಕಿನ ಮೊಗ್ಗು
ಒಂದೊಂದಕ್ಕೆ ಒಂದೊಂದು ಮೆರುಗು
ಕೈತುಂಬಾ ಬಳೆಗಳಲಿ ಸಿಂಗರಿಸಿ
ಹೆಣ್ಣು ಹಿಡಿದಿದ್ದಾಳೆ ಹಣತೆ ಉರಿಸಿ!

ಮೆಟ್ಟಿ ಕಲಸಿದ ಮಣ್ಣು ಹುಳಿಹುಳಿ/
ಹಣತೆ ಮಾಡಿದ ಕುಂಬಾರ ಧಾರಾಳಿ/
ಹತ್ತಿಯನು ಕೈಯಲ್ಲಿ ಹೊಸೆದ ಬತ್ತಿ/
ಬೆಳಗಿದೆ ಹಣತೆಯೊಳಗೆ ಜ್ಯೋತಿ!/

ದೀಪಾವಳಿ ಹಬ್ಬದಲಿ ಬೆಳಕಿನದೇ ವಿಶೇಷ/
ಕತ್ತಲೆಯನು ಓಡಿಸುವುದು ಬಿಡದೆ ಶೇಷ/
ಬೆಳಗಬೇಕು ದೀಪ ಸಾಲು-ಸಾಲು/
ಧೈರ್ಯ ತುಂಬಬೇಕು ಎದುರಿಸಲು ಸವಾಲು!/

ಬೆಳಕು ಒಂದು ವಿಶೇಷ ಸವಲತ್ತು/
ಹಣತೆ ಬೆಳಗುವುದು ಕ್ಷಮತೆ ಅರಿತು/
ಶಿರ ಬಾಗಬೇಕು ಹಣತೆ ಹಿಡಿದ ಕೈಗಳನು
ಎಲ್ಲ ಮನೆಗಳ ಬೆಳಗುವವಳನ್ನು!/